Rumıniya Xarici İşlər Nazirliyi ölkənin hava məkanını pozan pilotsuz uçuş aparatının F-16 qırıcısı tərəfindən vurulmasından sonra Rusiyanın Buxarestdəki səfiri Vladimir Lipayevi nazirliyə çağırıb.
APA xəbər verir ki, bu barədə Rumıniya Xarici İşlər Nazirliyi məlumat yayıb.
Bildirilib ki, bu, son üç gün ərzində Rumıniya hava məkanında zərərsizləşdirilən üçüncü pilotsuz uçuş aparatıdır.
Rumıniya Prezidenti Nikuşor Dan isə bildirib ki, Baş Prokurorluğun araşdırmasının ilkin nəticələrinə əsasən, vurulan pilotsuz uçuş aparatı Rusiya tərəfindən istifadə olunub.
Rəsmi Buxarest ölkənin hava məkanının pozulmasını qəbuledilməz hesab edir və baş verən insidentlə bağlı diplomatik addımların atılacağını vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
