Bakının Binəqədi rayonunda yanmış kişi meyiti tapılması ilə bağlı yeni faktlar ortaya çıxıb.
APA-nın məlumatına görə, meyit Binəqədi rayonunda “DSK yolu” kimi tanınan ərazidə aşkar edilib. Hüquq-mühafizə orqanları tərəfindən hadisə yerinə baxış keçirilib. Hadisə yerində siqaret kötüyü, qablaşdırılmış halda olan spirt və kibrit aşkar edilib.
Meyitin müayinəsi zamanı onun yanmamış hissələrində hər hansı xəsarət və ya xəsarət izi aşkar edilməyib.
Araşdırma zamanı meyiti tapılan şəxsin ətraf ərazilərdən dəmir və butulka yığımı ilə məşğul olduğu məlum olub.
Faktla bağlı Binəqədi rayon Prokurorluğu tərəfindən araşdırma aparılır.
Meyiti tapılan şəxsin kimliyinin müəyyənləşdirilməsi istiqamətində işlər görülür.
***
27 aprel 20.10
Bakının Binəqədi rayonunda qətl hadisəsi baş verib.
APA xəbər verir ki, hadisə rayonun Binəqədi qəsəbəsində qeydə alınıb.
Belə ki, axşam saatlarında “DSK yolu” kimi tanınan ərazidə üzərində zorakılıq əlamətləri olan kişi meyiti aşkar edilib. Hadisə yerinə Binəqədi Rayon Polis İdarəsi, Rayon Prokurorluğu və Bakı Şəhər Baş Polis İdarəsinin əməkdaşları cəlb edilib.
Əraziyə və meyitə baxış keçirilən zaman öldürülən şəxsin təxminən 50-55 yaşlarında kişi olduğu müəyyən edilib. Eyni zamanda meyitin yandırıldıqdan sonra yol kənarına atıldığı aşkar edilib.
Kriminal ekspertlərin apardığı araşdırma zamanı meyitin baş nahiyəsindən başqa bütün bədən üzvlərinin tamamilə yandığı məlum olub.
Hazırda ərazidə hüquq-mühafizə orqanlarının əməkdaşları hadisənin təfərrüatlarını araşdırır.
Nurlan Əli
Səlcuq Elçin
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
