Sosial

Ana səhifə

Sosial

Gəncədə Zəfər Gününə həsr olunmuş atəşfəşanlıq təşkil olunacaq

07 noyabr 2021 15:45 (UTC +04:00)

Gəncə Şəhər İcra Hakimiyyətinin başçısı Niyazi Bayramov tərəfindən təsdiq olunmuş müvafiq Tədbirlər Planına uyğun olaraq Zəfər Günü ilə əlaqədar şəhərin bayramsayağı tərtibatı həyata keçirilir.
APA-nın Gəncə bürosunun məlumatına görə, bununla bərabər, Gəncə Şəhər İcra Hakimiyyəti tərəfindən şəhərin İstiqlal parkında şəhidlərimizin xatirəsinə həsr olunmuş memorial abidə kompleksi inşa edilib.
8 Noyabr tarixində kompleksin açılış mərasimi baş tutacaq.
Onu da qeyd edək ki, Vətən Müharibəsinin birinci ildönümünün qeyd olunması ilə əlaqədar Gəncədə silsilə tədbirlər keçirilir. Silsilə tədbirlərin davamı olaraq noyabrın 8-də ümumşəhər tədbiri gerçəkləşəcək. Eyni zamanda, Heydər Əliyev Park Kompleksində Vətən müharibəsində həlak olmuş şəhidilərimizin xatirəsinə ağacəkmə aksiyası keçiriləcək. Sonda Heydər Əliyev adına Meydanda Zəfər Gününə həsr olunmuş atəşfəşanlıq təşkil olunacaq.