Bak. Hafiz Heydərov – APA. Azərbaycanda oğurluqda şübhəli bilinən şəxslər tutulub.
APA-nın Daxili İşlər Nazirliyinin saytına istinadən verdiyi məlumata görə, Hacıqabul rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində sentyabrın 2-də Vurğun Zahidovun evindən 750 manat oğurlamış Atbulaq kənd sakini Bilal Fərzəliyev tutulub.
Şəki şəhər Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində sentyabrın 6-da Bahəddin İsmayılovun həyətindən 2 baş inək oğurlamış rayon sakini İsmayıl Kamalov, Şəmkir Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində isə sentyabrın 6-da Tofiq Hüseynovun həyətindən 5 baş qoyun oğurlamış rayon sakini Ram Şirəliyev və Tovuz rayon sakini Bəşir Məhərrəmov saxlanılıb.
Saatlı rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində isə sentyabrın 6-da “Azərkörpü” ASC-yə məxsus 10 ədəd 8 metrlik dəmir boruları oğurlamağa cəhd göstərmiş şəhər sakini Müsəffir Rəhmanov tutulublar.
Hər bir faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
