Bakı. Şəhriyar Əlizadə - APA. “Məhkumlar arasında əsasən ürək və onkoloji xəstəliklər geniş yayılıb”. APA-nın xəbərinə görə, bunu jurnalistlərə açıqlamasında Ədliyyə Nazirliyi Tibb Baş İdarəsinin rəisi Rəfail Mehdiyev deyib.
Onun sözlərinə görə, məhkumlar arasında yoluxucu xəstəliklər də mövcuddur: "HİV-ə, vərəmə yoluxmuş xəstələr də var. Bütün xəstə məhkumların müalicəsi tərəfimizdən həyata keçirilir".
R.Mehdiyev bu il məhkumlar arasında ölüm hallarının baş verdiyini də qeyd edib: "Bu il məhkumlar arasında xəstəlikdən ölənlər olub. Lakin bu cür halların sayı getdikcə azalır. Biz məhkumların sağlamlığı üçün adekvat addımlar atırıq. 2013-cü ildə 10 məhkum ağır xəstə olduğu üçün azadlığa buraxılıb. Yəni Ədliyyə Nazirliyi tərəfindən təsdiq olunmuş xəstəlik siyahısı var ki, o cür xəstələrin sağlamlığına məhkumluq təsir edir. Bu cür xəstələr azadlığa buraxılır. Son 10 ildə vərəmdən ölüm halları 10 dəfə, digər xəstəliklərdən ölüm halları isə 3 dəfə azalıb".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
