Bakı. Etibar Məmmədov – APA. “Müxalifət insan hüquqları məsələsində də parçalanıb. Buna görə də biz bu ad altında yaradılan Siyasi Partiyaların Demokratiya və İnsan Haqları Mərkəzində təmsil olunmadıq”.
Bunu APA-ya açıqlamasında Azərbaycan Liberal Partiyasının (ALP) sədri Əvəz Temirxan deyib.
O bildirib ki, müxalifət namizədlərinin parlament seçkilərində bir-birinə mane olmaması üçün hər dairədən bir namizəd irəli sürmək lazımdır və bunun üçün seçki bloku yaratmağa ehtiyac yoxdur: “Bütün hallarda bloklar seçkilərin səhəri fəaliyyəti dayandırır. Bu da Azərbaycan seçicisini ruhdan salır. Ona görə də birləşmədən, ayrı-ayrılıqda əməkdaşlıq etmək daha yaxşıdır. Biz hər dairədən bir namizəd prinsipi ilə məsləhətləşmələrə hazırıq”.
Ə. Temirxan qeyd edib ki, ALP lideri Lalə Şövkətin parlament seçkilərində iştirakı sual altındadır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
