Bakı. Fuad Cəfərov – APA. Bakı Şəhər Baş Polis İdarəsi Səbail rayonunda qətl törətmiş şəxsin saxlanılması ilə bağlı məlumat yayıb.
Bakı Şəhər Baş Polis İdarəsindən APA-ya verilən məlumata görə, Daxili İşlər Nazirliyinin Təhlükəsiz Şəhər Xidməti, Səbail Rayon Polis İdarəsinin 8-ci Polis Bölməsi, Sabunçu Rayon Polis İdarəsinin 13-cü Polis Bölməsinin və Suraxanı Rayon Polis İdarəsinin 32-ci Polis Bölməsinin əməkdaşlarının birgə keçirdiyi əməliyyat-axtarış tədbirləri nəticəsində Bakı şəhər sakini, 1981-ci il təvəllüdlü Rasim Təmraz oğlu Mustafayev tutulub.
O, fevralın 16-da saat 19:10 radələrində Bibiheybət qəsəbəsində sərxoşluq zəminində 1991-ci il təvəllüdlü Elvin Hüseynlini bıçaqla qətlə yetirməkdə və bacısı, 1982-ci il təvəllüdlü Türkan Hüseynliyə ağır bədən xəsarət vurmaqda şübhəli bilinir. R. Mustafayev idarə etdiyi “Mercedes” markalı avtomobil vasitəsi ilə müəyyən olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
