Bakı. Mübariz Aslanov - APA. Bu gün - mərhum prezident Heydər Əliyevi anım günündə Qafqaz Müsəlmanları İdarəsinin tabeliyində olan məscidlərin hamısında Heydər Əliyevin xatirəsi yad edilib.
QMİ-nin mətbuat xidmətindən APA-ya verilən məlumata görə, bütün məscidlərdə mərhumun ruhuna dualar oxunub.
Bu gün cümə namazı zamanı moizələrdə Heydər Əliyev şəxsiyyətinin Azərbaycan xalqının xilaskarı olaraq misilsiz fəaliyyəti, habelə milli-mənəvi və dini dəyərlərinə ehtiram və qayğısı xüsusi vurğulanıb. Dindarlar bünövrəsi Heydər Əliyev tərəfindən qoyulmuş və prezident İlham Əliyev tərəfindən inkişaf etdirilən milli-mənəvi, dini dəyərlərə, multikulturalizm ideyalarına ehtiram və qayğının davamlı olması üçün dualar ediblər. Heydər Əliyevin əziz xatirəsinə bütün məscidlərdə ehsan mərasimləri keçirilib. Eyni zamanda QMİ-nin Gürcüstan, Türkiyə, Rusiya və İrandakı nümayəndəliklərində də ulu öndəri anma mərasimləri keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
