Bakı. Anaxanım Hidayətova – APA. Belarusun Azərbaycandakı səfirliyində səfir Nikolay Paskeviçin Qafqaz Müsəlmanları İdarəsinin sədri Allahşükür Paşazadə, Bakı və Azərbaycan arxiyepiskopu Aleksandr və Azərbaycan dağ yəhudiləri dini icmasının rəhbəri Melix Yevdayevlə görüşü keçirilib.
APA-nın səfirliyin saytına istinadən verdiyi məlumata görə, görüşdə tərəflər iki ölkənin siyasi və dini rəhbərliyinin cəmiyyətin mənəvi inkişafı, icmalararası dialoq, vətəndaş sülhünün və mədəniyyətlərarası tolerantlığın möhkəmləndirilməsi istiqamətində səylərinin üst-üstə düşdüyünü vurğulayıblar. Görüş iştirakçıları qarşılıqlı əməkdaşlığın perspektivlərini müzakirə ediblər.