Bakı. Şamil Əlibəyli - APA. İsveçrənin xarici işlər naziri Didye Burqxalter İrana səfərə gəlib.
APA-nın İRİB agentliyinə istinadən verdiyi məlumata görə, bu gün nazir İsfahana səfər edərək, şəhərin qədim tarixi abidələrini ziyarət edəcək.
Sabah isə D.Burqxalter Tehranda iranlı həmkar Məhəmməd Cavad Zərif və digər rəsmi şəxslərlə görüşlər keçirəcək. Görüşlərdə ikitərəfli, regional və beynəlxalq əhəmiyyətli məsələlər müzakirə olunacaq.