Bakı. Şəhriyar Əlizadə - APA. Ədliyyə orqanlarına qulluğa qəbulla bağlı növbəti müsabiqəyə yekun vurulub.
Nazirliyin mətbuat xidmətindən APA-ya verilən məlumata görə, 2013-cü ilin noyabr ayının 16-da keçirilmiş test imtahanından uğur qazanmış namizədlərlə nazirliyin Müsabiqə Komissiyası tərəfindən fərdi qaydada söhbət aparılıb.
Bildirilir ki, namizədlərlə söhbətdən 60 nəfər müvəffəqiyyətlə keçib. Onlar qanunvericiliyə əsasən peşə fəaliyyətinə buraxılması məqsədilə aprelin 2-dən etibarən Ədliyyə Akademiyasında icbari təlimə cəlb olunacaqlar.
Müvəffəqiyyət qazanmış şəxslərin siyahısı ilə nazirliyin rəsmi saytında tanış olmaq mümkündür.