Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində dələduzluqda təqsirləndirilən Siyad Məmmədov və Sədrulla Əliyevin cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən təqsirləndirilən şəxslərin hər biri 9 il 6 ay müddətinə azadlıqdan məhrum edilib.
Qeyd edək ki, onlar Cinayət Məcəlləsinin 178-ci (dələduzluq) maddəsi ilə ittiham edilirlər. Təqsirləndirilən şəxslər mənzil satmaq adı ilə vətəndaşlara xeyli miqdarda ziyan vurublar.