Bakı. Məlahət Nəcəfova-APA. Azərbaycan ilə Misir arasında diplomatik əlaqələrin qurulmasının 20 illiyi ilə əlaqədar poçt markası buraxılıb. Azərbaycanın Xarici İşlər Nazirliyinin mətbuat xidmətindən APA-ya verilən məlumata görə, bu barədə qərar bu ilin noyabr ayında Azərbaycanda hər iki ölkənin rabitə və informasiya texnologiyaları nazirləri tərəfindən imzalanıb.
Birgə poçt markasında Qız Qalası, İçərişəhər, Misir Ehramları, Sfinks, Qobustan divar rəsmiləri və Misir heroqliflərinin şəkil elementləri öz əksini tapıb.
Marka hər iki dövlətin poçt rabitə xidmətində rəsmi dövriyyə statusuna malikdir.