Bakı. Nail Hüseynli – APA-Economics. «Atəşgah» Sığorta Qrupu «Sevək, qoruyaq, arxayın yaşayaq» fotomüsabiqəsini yekunlaşdırıb. Qaliblərin adları iştirakçıların foto işlərindən ibarət sərginin açılışına həsr olunmuş təntənəli tədbir çərçivəsində elan olunub.
«APA-Economics»in məlumatına görə, müsabiqənin yekunlarına əsasən, I yeri Etibar Cəfərov (mükafat - 2 min manat), II yeri Natalya Əbilova (1 min manat), III yeri Kamal Babayev (500 manat) tutub.
Bundan əlavə, 24 nəfərə 100 manat məbləğində həvəsləndirici pul mükafatı verilib.
Fotomüsabiqənin bütün iştirakçılarına sertifikatlar təqdim olunub. Qaliblərin işləri xüsusi kataloqda öz əksini tapıb.
Xatırladaq ki, fotomüsabiqə insan və təbiətin qarşılıqlı əlaqəsinin müxtəlif aspektlərinə, təbiətdən istifadəyə, iqtisadi sahələrin inkişafına və onların ətraf mühitlə qarşılıqlı əlaqələrinə həsr edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
