Bakı. Mübariz Aslanov - APA. “İnsan haqları bəyannaməsinin qəbul olunmasından xeyli müddət keçməsinə baxmayaraq, Azərbaycan da daxil olmaqla dünyanın digər ölkələrində insan haqları ilə bağlı problemlər qalmaqdadır”.
APA-nın məlumatına görə, bunu Azərbaycan parlamentində İnsan hüquqları ilə bağlı keçirilən tədbirdə BMT-nin Azərbaycandakı nümayəndəliyinin rəhbəri Antonius Bruk deyib.
O qeyd edib ki, BMT insan hüquqlarının qorunmasının bütün istiqamətləri üzrə Azərbaycanla əməkdaşlıq etməyə hazırdır: “Azərbaycanda bu sahə üzrə monitorinq aparılıb. Azərbaycan tərəfi insan haqları ilə bağlı BMT-nin 158 tövsiyə və təklifini nəzərə alıb, insan haqları ilə bağlı milli hesabat da hazırlanıb. Bu hesabata BMT-nin Cenevrədə keçirilən konfransında da baxılıb”.