Bakı. Fuad Cəfərov - APA. Daxili işlər naziri, general-polkovnik Ramil Usubov Argentinın Azərbaycandakı səfiri Karlos Dante Rivanı qəbul edib. Daxili İşlər Nazirliyinin mətbuat xidmətindən APA-ya verilən məlumata görə, nazir DİN-in funksional vəzifələri, fəaliyyət istiqamətləri və kriminogen durum barədə məlumat verib.
Səfir Azərbaycana gəldiyi ilk gündən burada təhlükəsizliyin yüksək səviyyədə qorunmasının şahidi olduğunu, diplomatik fəaliyyəti müddətində biri-birindən uzaq məsafədə yerləşən iki dövlət və xalqlar arasında əlaqələrin bütün sahələrdə inkişafına səy göstərəcəyini bildirib.