Gəncə. Azər Məmmədli - APA. Gəncə şəhər sakini yaşadığı evin damında sursat tapıb. Nizami rayon Polis İdarəsindən APA-nın qərb bürosuna verilən məlumata görə, Gəncə şəhər Muxtar Hacıyev küçəsinin Xaliq Süleymanov yaşadığı binanın damında su çəninin altında bir ədəd “F-1” əl qumbarası tapdığı barədə polisə müraciət edib.
Əraziyə gələn polis əməkdaşları əl qumbarasını götürüblər.
Faktla bağlı Nizami rayon Polis İdarəsində araşdırma aparılır.