Bakı – APA. 2015-ci ildə Bakıda keçiriləcək Avropa Oyunları üçün idman qurğularının tam hazır olacağı vaxt açıqlanıb. Apasport.az saytının xəbərinə görə, bu barədə gənclər və idman naziri Azad Rəhimov məlumat verib.
O bildirib ki, hər hansı bir gecikmə olmayacaq: “Biz obyektlərin hazırlığını gündəlik izləyirik. Çünki tapşırıq verilib ki, bütün idman qurğuları 2015-ci ilin fevralın 1-də hazır olmalıdır”.
Qeyd edək ki, Avropa Oyunları iyunun 12-dən 28-dək keçiriləcək.