Ukrayna Prezidenti Volodimir Zelenski ilə Rusiya Prezidenti Vladimir Putinin görüşü sülh danışıqlarında yeni irəliləyişə yol aça bilər.
Bunu Ukraynanın xarici işlər naziri Andrey Sibiqa "RBC-Ukrayna" agentliyinə müsahibəsində bildirib.
Sibiqa qeyd edib ki, sülh prosesində yeni dinamikanın yaranması baxımından Zelenski ilə Putinin görüşü ən təsirli addım ola bilər. Onun sözlərinə görə, görüş ABŞ Prezidenti Donald Trampın iştirakı ilə və ya Türkiyə Prezidenti Rəcəb Tayyib Ərdoğanın vasitəçiliyi ilə keçirilə bilər.
Nazirin sözlərinə görə, Kiyev ABŞ, Rusiya və Ukrayna arasında üçtərəfli görüşün keçirilməsinə hazır olduğunu dəfələrlə bəyan edib və belə bir görüşün mümkün qədər tez baş tutmasını istəyir.
Ukraynalı nazir görüşün mümkün nəticələri arasında atəşkəsin əldə olunmasını, hərbi əsirlərin mübadiləsini və uşaqların geri qaytarılmasını qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
