Braziliyanın şimalındakı həbsxanaların birində 33 məhkum ölü tapılıb.
APA-nın TASS-a istinadən verdiyi xəbərə görə, hadisə Rorayma ştatında baş verib.
Bildirilir ki, hazırda xüsusi əməliyyatlar üzrə taborun döyüşçüləri həbsxananın ərazisindədir.
Hadisənin səbəbləri açıqlanmır. Yerli mətbuatın yazdığına görə, hadisəyə səbəb iki rəqib narkomafiya qruplaşmaların qarşıdurması olub.