Asiya

Ana səhifə

Asiya

Dəkkədə polis girovları azad edib, bütün terrorçular məhv edilib - YENİLƏNİB-1

Dəkkədə polis girovları azad edib, bütün terrorçular məhv edilib - <span style="color: red;">YENİLƏNİB-1

02 iyul 2016 07:58 (UTC +04:00)

Bakı – APA. Banqladeş polisi paytaxt Dəkkədə terrorçuların bir neçə nəfəri girov saxladığı restorana hücum edib.

APA-nın “Reuters”-ə istinadən verdiyi məlumata görə, hücum nəticəsində 6 silahlı öldürülüb, 13 girov, o cümlədən 3 əcnəbi azad edilib.

Hücum şənbə günü səhər başlayıb. Polis restorana daxil olmaq istəyərkən atəşlə qarşılaşıb. Əməliyyatda ümumilikdə 100 polis iştirak edib. Girovların azad edilməsi zamanı onlar arasında da itki olduğu açıqlanıb.

O da bildirilir ki, girovlar arasında restoranın işçiləri ilə yanaşı, Hindistan, İtaliya və Yaponiya vətəndaşları da olub.

Polis rəsmiləri “NBC News” telekanalına bildiriblər ki, əməliyyat zamanı bütün terrorçular öldürülüb. Qarşıdurma ümumilikdə 10 saatadək çəkib.

***

saat 07.07

Bakı-APA. Banqladeşin paytaxtı Dəkkədə polis restoranda girov götürülənlərdən azı 10 nəfəri azad edib, 5 nəfərin öldüyü bildirilir.

APA-nın Reuters agentliyinə istinadən verdiyi xəbərə görə, onlardan ikisi xarici vətəndaşlardır.

Məlumata əsasən, ərazidə bir neçə partlayış baş verib, atışma səsləri eşidilir.

Banqladeş polisi girovların azad edilməsi məqsədi ilə xüsusi əməliyyat keçirir. Əməliyyatda 100-dən xüsusi təyinatlı döyüşçünün iştirak etdiyi bildirilir. İlkin məlumata görə, silahlılarla atışma zamanı 2 polis əməkdaşı ölüb.

Xatırladaq ki, ötən axşam Dəkkədə naməlum silahlılar diplomatik məhəllədə yerləşən restorana hücum edib. İnsidentə görə İŞİD məsuliyyəti öz üzərinə götürüb.

***

02:28

Bakı-APA. Banqladeşin paytaxtı Dəkkə şəhərində terrorçular tərəfindən girov götürülənlərdən 2-si azad edilib.

APA-nın məlumatına görə, bu barədə Banqladeşin “Daily Star” qəzeti yazıb.

Onlardan birinin Argentina, digərinin isə yerli vətəndaş olduğu bildirilir. Dəkkədə naməlum silahlılar diplomatik məhəllədə yerləşən restorana hücum edib.

İlkin məlumata görə, hadisə nəticəsində ölən və yaralananlar var, müxtəlif məlumatlara görə terrorçular 20-60-dək insanı girov götürüb.

İnsidentə görə məsuliyyəti İŞİD öz üzərinə götürüb.