Astara. Ağəddin Babayev – APA. Azərbaycanın Astara rayonunda yanğın hadisəsi baş verib. Fövqəladə Hallar Nazirliyinin (FHN) Astara Rayon Yanğından Mühafizə Hissəsindən APA-nın cənub bürosuna verilən məlumata görə, hadisə aprelin 27-də saat 13.30 radələrində rayonun Kijəbə qəsəbə sakini, 1937-ci il təvəllüdlü Səttar Sahib oğlu Mərifova məxsus ümumi sahəsi 165 kvadratmetr olan 5 otaqlı birmərtəbəli fərdi yaşayış evində qeydə alınıb. İki yanğınsöndürən maşın və canlı qüvvənin vaxtında müdaxiləsi nəticəsində yanğının əhatə dairəsinin genişlənməsinin qarşısı alınıb. Yanğın zamanı xəsarət alan olmasa da, evin iki otağı və dam örtüyünün yanar konstruksiyaları 40 kv.m sahədə yanaraq yararsız vəziyyətə düşüb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
