Bakı. Fuad Cəfərov - APA. Bakı Apellyasiya Məhkəməsində “Nida” Vətəndaş Hərəkatının həbsdə olan üzvü Zaur Qurbanlının apellyasiya şikayətinə baxılıb.
Bu barədə APA-ya məlumat verən vəkil Xalid Bağırov prosesdə məhkəmə qərarının elan olunduğunu bildirib. Qərara əsasən, apellyasiya şikayəti təmin olunmayıb.
Qeyd edək ki, apellyasiya şikayəti Z.Qurbanlı barəsində seçilmiş həbs-qətimkan tədbiri barədə qərardan verilib. Şikayətdə həmin qərarın ləğv edilməsi və onun azadlığa buraxılması tələb olunub.
Xatırladaq ki, “Nida” Vətəndaş Hərəkatının üzvü Zaur Qurbanlıya qarşı Cinayət Məcəlləsinin 228.3-cü (qanunsuz olaraq partlayıcı maddələr və qurğular əldə etmə, hazırlama, daşıma və gəzdirmə) maddəsi ilə ittiham irəli sürülüb. Z.Qurbanlı barəsində məhkəmənin qərarı ilə 3 ay müddətinə həbs-qətimkan tədbiri seçilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
