Bakı. Cavid Zeynallı – APA. Xalq artisti, bəstəkar Musa Mirzəyevin səhhətində problem yaranıb. Bu barədə APA-ya xalq artistinin oğlu, bəstəkar İlyas Mirzəyev məlumat verib.
Onun sözlərinə görə, Musa Mirzəyev daimi həkim nəzarəti altındadır: “Həftədə iki-üç dəfə həkim müayinəsindən keçir. Daim nəzarət altında olmalıdır. Yataq şəraitində deyil, amma yaşla əlaqədar hər şey ola bilər”.
İ. Mirzəyev əlavə edib ki, M. Mirzəyevin əsas problemi nitq pozulmasıdır: “Bu, beyinlə əlaqədar olan məsələdir. Həkimlər deyir, nitqin düzəlməyi mümkün deyil. Danışığını çox az başa düşürük, amma bəzən ümumiyyətlə anlaşılmır".
Qeyd edək ki, Musa Mirzəyev 1933-cü ildə Bakıda anadan olub. O, kamera orkestri üçün “Polifonik simfoniya”, skripka və piano üçün “Romantik poema”, piano üçün “Qəmli melodiya”, piano üçün "konsert-rondo" və başqa əsərlərin müəllifidir. Bəstəkar Azərbaycan xalq artisti fəxri adına, “Şöhrət” ordeninə layiq görülüb və prezident təqaüdçüsüdür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
