Futbol

Ana səhifə

Futbol

AVRO-2020: Macarıstan məğlub olub, Belçika 6-cı qələbəsini qazanıb

10 sentyabr 2019 00:46 (UTC +04:00)

Bu gün AVRO-2020-nin seçmə mərhələsində növbəti oyunlar keçirilib.

APA-nın məlumatına görə, VI tur çərçivəsində 10 qarşılaşma baş tutub.

C qrupunda Hollandiya Estoniya səfərindən qələbə ilə ayrılıb. Almaniyanı qəbul edən Şimali İrlandiya ilk məğlubiyyətini alıb.

Azərbaycanın yer aldığı E qrupunda liderlər büdrəyiblər. Yığmamız Xorvatiya ilə heç-heçə edib. Macarıstan isə evdə Slovakiyanın öhdəsindən gələ bilməyib.

G qrupunda liderlər Polşa və Avstriya arasında görüş qolsuz başa çatıb. Onların izləyiciləri Sloveniya ilə İsrailin duelində 5 qol vurulub. Balkanlılar üç xalı 3 qolla əldə ediblər. Şimali Makedoniya isə Latviya üzərində qələbə ilə əsas rəqiblərinə yaxınlaşıb.

I qrupunun lideri Belçika Şotlandiyanı darmadağın edib. Kipr isə autsayder San-Marinonu asanlıqla məğlubiyyətə uğradıb. Rusiya isə Qazaxıstanın müqavimətini matçın sonlarında qıra bilib.

Qeyd edək ki, VI tur sentyabrın 10-da başa çatacaq.

AVRO-2020-nin seçmə mərhələsi
VI tur
9 sentyabr

C qrupu
22:45. Şimali İrlandiya – Almaniya – 0:2
Helstenberq, 48, Qnabri, 90
22:45. Estoniya – Hollandiya – 0:4
Babel, 17, 48, Depay, 76, Viynaldum, 87

1	Almaniya	5	4	1	17-6	12
2	Ş.İrlandiya	5	4	1	7-4	12
3	Hollandiya	4	3	1	14-5	9
4	Belarus	5	1	4	3-10	3
5	Estoniya	5	0	5	2-18	0

Növbəti oyunlar oktyabrın 10-da keçiriləcək: Belarus – Estoniya, Şimali İrlandiya – Hollandiya.

E qrupu
20:00. Azərbaycan – Xorvatiya – 1:1
Xəlilzadə, 72 – Modriç, 11 (pen.)
22:45. Macarıstan – Slovakiya – 1:2
Şoboşlai, 50 – Mak, 40, Bojenik, 59

1	Xorvatiya	5	3	1	1	10-5	10
2	Slovakiya	5	3	0	2	9-7	9
3	Macarıstan	5	3	0	2	7-6	9
4	Uels	4	2	0	2	4-4	6
5	Azərbaycan	5	0	1	4	5-13	1

Növbəti oyunlar oktyabrın 10-da keçiriləcək: Slovakiya – Uels, Xorvatiya – Macarıstan.

G qrupu
22:45. Sloveniya – İsrail – 3:2
Verbiç, 43, 90, Bezyak, 66 – Natxo, 50, Zahavi, 63
22:45. Polşa – Avstriya – 0:0
22:45. Latviya – Şimali Makedoniya – 0:2
Pandev, 14, Bardyi, 1

1	Polşa	6	4	1	1	8-2	13
2	Sloveniya	6	3	2	1	12-5	11
3	Avstriya	6	3	1	2	13-6	10
4	Ş.Makedoniya	6	2	2	2	8-8	8
5	İsrail	6	2	2	2	11-11	8
6	Latviya	6	0	0	6	1-21	0

Növbəti oyunlar oktyabrın 10-da keçiriləcək: Latviya – Polşa, Şimali Makedoniya – Sloveniya, Avstriya – İsrail.

İ qrupu
22:45. Şotlandiya – Belçika – 0:4
Lukaku, 9, Vermalen, 24, Alderveyreldt, 32, De Bruyne, 82
22:45. San-Marino – Kipr – 0:4
Kousoulos, 2, 73, Papoulos, 38, Animatas, 75
22:45. Rusiya – Qazaxıstan – 1:0
Fernandes, 89