İngiltərənin “Çelsi” klubunun baş məşqçisi Frenk Lempard antirekorda imza atıb.
APA-nın məlumatına görə, gənc mütəxəssis son 41 ildə London klubunda ən uğursuz debüt edən məşqçi olub.
Onun Premyer Liqadakı debütü “Mançester Yunayted”ə 0:4 hesablı məğlubiyyətlə başa çatıb. “Çelsi”nin məşqçiləri arasında belə uğursuz starta imza atan sonuncu çalışdırıcı Denni Blançflauer olub. O, 1978-ci ilin dekabrında baş məşqçi təyin olunduqdan sonra “Midlsbro”ya 2:7 hesablı məğlubiyyətə üzülüb. Ümumiyyətlə, 15 oyunda 3 qələbə görən məşqçi bununla da karyerasını başa vurub.
Qeyd edək ki, bu, həm də əvvəllər “Derbi Kaunti”ni çalışdıran F.Lempardın karyerasında ən ağır məğlubiyyətdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
