“Qarabağ”ın futbolçusu Dani Kintana Azərbaycan klublarının heyətində avrokuboklarda ən çox qol vuran futbolçular siyahısında 2-ci yerə şərik olub.
APA-nın məlumatına görə, Avropa Liqasının qrup mərhələsinin III turunun APOEL (Kipr) ilə ev oyununda hesabı açan ispaniyalı 8-ci dəfə fərqlənib.
D.Kintana 8-ci qolunu 41-ci matçında vurub. Bununla da ispaniyalı “Qarabağ”dakı komanda yoldaşı Riçard Almeyda ilə Rəşad Sadiqova çatıb.
Lakin bu iki oyunçu daha çox matç keçirib. R.Almeyda 65, R.Sadiqov 71 matçda 8 qol vurub. Bu üç bombardir ən çox qol vuranlar siyahısında 2-ci yerə şərikdirlər. Onlar yalnız 11 qol vuran Reynaldo Silvadan geri qalırlar.
Qeyd edək ki, “Qarabağ” APOEL-lə oyunun 1-ci hissəsindən sonra 1:2 hesabı ilə uduzur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
