“Slovakiya və Azərbaycanla oyunlar öncəsi möhtəşəm hazırlıq keçmişik. Komandamızda yaxşı ab-hava var”.
APA-nın məlumatına görə, bunu Xorvatiya millisinin futbolçusu Dominik Livakoviç deyib.
Qapıçı AVRO-2020-nin seçmə mərhələsinin sentyabrdakı oyunları barədə fikirlərini açıqlayıb. D.Livakoviç sentyabrın 6-da Slovakiya, 9-da Azərbaycana qarşı keçiriləcək matçlarda xal itkisi barədə düşünmədiklərini qeyd edib: “Bu iki matç bizim üçün çox vacibdir. Seçmə mərhələnin hər oyununda olduğu kimi bu dəfə də qələbə üçün meydana çıxacağıq. Slovakiya və Azərbaycanla görüşlərdə 6 xal qazanmalıyıq. Çünki AVRO-2020-nin final mərhələsinə vəsiqə qazanmaq istəyirik. Bunun üçün də turnir cədvəlində irəliləməliyik”.
Qeyd edək ki, 2017-ci ildən milliyə çağırılan D.Livakoviç əsas yığmada 6 oyun keçirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
