“Zamanı geri qaytarmaq imkanımızın olmasını istəyərdim”.
APA-nın məlumatına görə, bunu Argentina milli komandasının sabiq futbolçusu Dieqo Maradona deyib.
Dünya futbolunun əfsanəsi 1986-cı ildə Meksikada keçirilən dünya çempionatını xatırlayıb. O, 1/4 final oyununda İngiltərə yığmasının qapısına əllə vurduğu qolla bağlı suala orijinal şəkildə cavab verib.
Sonradan bu qolun “Tanrının əli” ilə vurulduğunu açıqlayan D.Maradona 33 ildən sonra ingiltərəlilərə yenə qıcıqlandırıb: “Belə olsa, ingilislərə söz verərdim ki, sol əlimlə qol vurmayacağam... Onlara sağ əlimlə qol vurardım”.
Qeyd edək ki, Meksikadakı mundialda keçirilən oyunun 51-ci dəqiqəsində hesabı açan D.Maradona topa əli ilə toxunub. Bu qoldan üç dəqiqə sonra isə dublunu rəsmiləşdirib. Böyük britaniyalılar 80-ci dəqiqədə Hari Linikerin qolu ilə fərqi minimuma endiriblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
