“Slovakiya ilə matçda böyük şansı əldən verdiyimizi bilirik. Hərçənd həmin oyunda futbolçular mümkün olan hər şeyi etmişdilər”.
APA-nın məlumatına görə, bunu Macarıstan millisinin baş məşqçisi Marko Rossi deyib.
AVRO-2020-nin seçmə mərhələsində oktyabrın 10-da Xorvatiya, 13-də Azərbaycanla üz-üzə gələcək macarların italiyalı çalışdırıcısı bu matçların çətinliyini vurğulayıb: “İndi soyuq başla deyə bilərəm ki, son qarşılaşmada bəxtimiz gətirib. Bizi iki çox çətin görüş gözləyir. Xorvatiya və Azərbaycanla matçlar heç vaxt olmadığı qədər vacibdir”.
M.Rossi final mərhələsinə vəsiqə üçün mübarizə apardıqlarını qeyd edib: “Final mərhələsinə çıxmaq üçün şanslarımız var. Bu qarşıdakı iki matçdan – xüsusilə də ikincinin nəticəsindən asılıdır. Sözsüz ki, Azərbaycan millisinə qalib gəlməliyik. Kağız üzərində Xorvatiyanı məğlub etməyimiz mümkünsüz görünür. Amma səfər görüşündə də nəyə qadir olduğumuzu göstərməliyik. Biz onların da, özümüzün də kim olduğumuzu bilirik”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
