“Qarabağ”ın Avropa Liqasının qrupundakı rəqibi Lüksemburq “Düdelanj”ı növbəti oyununu keçirib.
APA-nın məlumatına görə, son çempion Milli divizionun VI turunda “Hostert”in qonağı olub.
Matçın taleyini bir qol həll edib. 64-cü dəqiqədə fərqlənən Yala-Lusala bu görüşədək hesabında xal olmayan meydan sahiblərinə minimalhesablı qələbə qazandırıb. Nəticədə autsayder son pilləni tərk edib.
Bu, “Düdelanj”ın cari çempionatda 3-cü məğlubiyyəti olub. 5 matçdan sonra 4 xal toplayan komanda 11-ci pillədə qərarlaşıb.
Qeyd edək ki, “Qarabağ” Lüksemburq çempionu ilə II turun oktyabrın 3-də keçiriləcək matçında qarşılaşacaq. Görüş “Düdelanj”ın meydanında baş tutacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
