Avropa Liqasının qrup mərhələsində Azərbaycan çempionu “Qarabağ”ın rəqibi olan “Düdelanj” Lüksemburq çempionatında növbəti oyununu keçirib.
APA-nın məlumatına görə, son çempion uğursuz başladığı mövsümün VII turunda “Viktoriya”nın qonağı olub.
“Düdelanj” səfər matçında rəqibini 7 cavabsız qolla darmadağın edib. İlk yarıda beş dəfə fərqlənən qonaqlar fasilədən sonra daha iki qola imza atıblar.
“Qarabağ”ın rəqibinin heyətində üç futbolçu dubl edib. 7 turdan sonra xal hesabını 7-yə çatdıran “Düdelanj” 8-ci pilləyə yüksəlib.
Qeyd edək ki, “Düdelanj” – “Qarabağ” oyunu oktyabrın 3-də keçiriləcək.
Lüksemburq çempionatı
VII tur
29 sentyabr
“Viktoriya” – “Düdelanj” – 0:7
Stolz, 2, 42, Sinani, 15, 20, Muratoviç, 39, 90, Pokar, 88
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
