Futbol

Ana səhifə

Futbol

Zirədə məhsuldar heç-heçə, Qəbələdə əzmkar qələbə qeydə alınıb

03 noyabr 2019 18:59 (UTC +04:00)

Azərbaycan Premyer Liqasında X tur başa çatıb.

APA-nın məlumatına görə, turun son günündə 2 oyun keçirilib.

Bu matçlarda turnir cədvəlinin ikinci yarısında qərarlaşan komandalar münasibətlərini ayırd edib.

Günün ilk matçında “Zirə” “Sumqayıt”la görüşüb. Məhsuldar keçən oyunda 4 qol vurulub. Hərəyə 2 qol vuran komandalar 1 xalla kifayətləniblər.

Tura Qəbələdə yekun vurulub. Eyniadlı komanda “Sabah”ı sınağa çəkib. Meydan sahibləri ilk yarıda hesabı açsalar da, fasilədən sonra iki qol vuran bakılılar əzmkar qələbə qazanıblar. Bu 3 xal “Sabah”ın 6-cı pilləyə yüksəlməsi üçün kifayət edib.

Qeyd edək ki, turun ilk iki oyununda “Neftçi” “Qarabağ”la, “Səbail” “Keşlə” ilə qarşılaşıb. Hər iki matç qolsuz heç-heçə ilə nəticələnib.

Azərbaycan Premyer Liqası
X tur
3 noyabr (bazar)

“Zirə” – “Sumqayıt” – 2:2
Qollar: Mfo Kqasvane, 3, Riçard Qadze, 58 // Peyman Babayi, 30 (pen.), Əmir Ağayev, 81
Hakimlər: Səbuhi Bayramov, Nahid Əliyev, Eyyub İbrahimov, Əliyar Ağayev
Hakim-inspektor: Asim Xudiyev
AFFA nümayəndəsi: Rüfət Əmirov
Zirə İdman Kompleksinin stadionu, 15:00

“Qəbələ” – “Sabah” – 1:2
Qol: Davit Volkov, 44 // Cavid İmamverdiyev, 53, Hendrik Ekşteyn, 73
Hakimlər: Rəhim Həsənov, Mübariz Haşımov, Namiq Hüseynov, Rəşad Əhmədov
Hakim-inspektor: Fariz Yusifov
AFFA nümayəndəsi: Maşallah Əhmədov
Qəbələ şəhər stadionu, 17:00

1	Qarabağ	10	8	2	0	19-2	26
2	Neftçi	10	5	3	2	15-8	18
3	Keşlə	10	4	4	2	11-5	16
4	Səbail	10	3	2	5	8-14	11
5	Sumqayıt	10	3	2	5	11-15	11
6	Sabah	10	2	4	4	10-11	10
7	Zirə	10	2	4	4	10-16	10
8	Qəbələ	10	1	3	6	6-19	6