Hadisə

Ana səhifə

Hadisə

“British Council” yeni təqaüd proqramının təqdimatını keçirib

14 dekabr 2006 10:37 (UTC +04:00)

Təhsil imkanları və mədəniyyət əlaqələri sahəsində beynəlxalq təşkilat olan “British Council” “BP Azərbaycan” şirkəti tərəfindən maliyyələşdirilən yeni təqaüd proqramının təqdimatını keçirib. APA-nın məlumatına görə, “British Council” təşkilatının direktoru Endi Uilyams proqramın məqsədinin istedadlı azərbaycanlı məzunlara öz təhsillərini Böyük Britaniyada davam etdirmək imkanı yaratmaq olduğunu deyib: “Proqramda magistr elmi dərəcəsi almaq üçün 2007-2008-ci tədris ilində universitet kursları keçəcək ən azı 10 nəfər tələbə iştirak edəcək. Kurslar 2007-ci ilin payızında başlayacaq. Proqram dövlət idarəetmə, bank işi, maliyyə, mühasibat və iqtisadiyyat da daxil olmaqla bir sıra elm sahələrini əhatə edəcək”. BP-nin İctimai və Xarici Əlaqələr şöbəsinin direktoru Kler Bebbinqton isə bildirib ki, bu proqram şirkətin Azərbaycanın gələcəyi ilə bağlı uzunmüddətli öhdəliyinin bir hissəsidir və yüksək keyfiyyətli təlim-təhsil vasitəsilə Azərbaycanın gənc, istedadlı vətəndaşlarının inkişafına qoyulan sərmayənin davamıdır. O, belə təşəbbüsləri maliyyələşdirməyə davam edəcəklərini söyləyib. /APA/