Hadisə

Ana səhifə

Hadisə

Azərbaycanın xalq artisti Fərhad Bədəlbəyli hələ də reanimasiya şöbəsindədir

08 fevral 2008 09:55 (UTC +04:00)

Bakı. Ülkər Qasımova-APA. Dünən palataya köçürülməsi nəzərdə tutulan xalq artisti Fərhad Bədəlbəyli hələ də reanimasiya şöbəsindədir. Mərkəzi Klinik Xəstəxananın həkimi, neyrocərrah Əli Ələkbərov APA-ya açıqlamasında bildirib ki, xəstənin reanimasiya şöbəsində saxlanılması rəhbərliyin göstərişi ilə olub: “Palatada xəstənin yanına gəlib-gedənlərin sayı çox olur. Reanimasiyada isə bu imkan yoxdur, xəstənin yanına heç kim buraxılmır. Fərhad Bədəlbəylinin həyatına görə çox saylı insanlar narahatlıq keçirirlər, onu ziyarət etmək istəyənlərin də sayı çoxdur”. Ə. Ələkbərov deyib ki, F. Bədəlbəylinin palataya köçürülməsi bu gün də mümkündür: “O özünü çox yaxşı hiss edir. Yaxın günlərdə evə yazmaq fikrindəyik. Ancaq Fərhad müəllim yorulduğunu, burada 5-10 gün dincəlmək istədiyi deyir”.
Qeyd edək ki, Bakı Musiqi Akademiyasının rektoru, xalq artisti Fərhad Bədəlbəyli fevralın 6-da beyni qansızması diaqnozu ilə Mərkəzi Klinik Xəstəxanaya yerləşdirilib və həmin gün Ə. Ələkbərov onun başında cərrahiyyə əməliyyatı aparıb.