Azərbaycan Respublikasının Prezidenti İlham Əliyevin tapşırığına uyğun olaraq, Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Fövqəladə Hallar Nazirliyinin çevik xilasetmə qüvvələri qardaş ölkədə əməliyyatları davam etdirir.
APA xəbər verir ki, bu barədə FHN məlumat yayıb. Məlumata görə, bu çərçivədə, FHN-in Kahramanmaraşda olan qüvvələrinin 110 nəfərdən artıq hissəsi Hatay rayonunda baş vermiş dağıdıcı zəlzələ ilə əlaqədar axtarış-xilasetmə əməliyyatlarına dəstək məqsədilə bu səhər həmin bölgəyə yola düşüb.
Əməliyyatların gedişi barədə əlavə məlumat veriləcək.
***
10.08
Fövqəladə Hallar Nazirliyinin qardaş Türkiyədə axtarış-xilasetmə əməliyyatları davam edir.
APA-nın Türkiyəyə ezam olunan müxbiri xəbər verir ki, bu gün FHN-in axtarış-xilasedicilərindən ibarət 114 nəfərlik heyəti və 2 baş xüsusi təlim görmüş iti Hatay şəhərinə yola salınıb.
Onlar Hatay şəhərində axtarış-xilasetmə əməliyyatlarına qoşulacaq.
FHN-in Türkiyəyə ezam olunan digər şəxsi heyəti isə Kahramanmaraş şəhərində əməliyyat-axtarış işlərini davam etdirəcək.
Qeyd edək ki, indiyə qədər FHN-in xilasediciləri zəlzələdən ciddi zərər görmüş Kahramanmaraş rayonu ərazisində həyata keçirdikləri axtarış-xilasetmə əməliyyatları nəticəsində dağıntılar altından 53 nəfəri sağ, 741 nəfərin isə cəsədini çıxararaq aidiyyəti üzrə təhvil veriblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
