Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Quba rayonunun Alekseyevka kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.
APA xəbər verir ki, bu barədə FHN məlumat yayıb.
Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub.
Əməliyyat şəraiti qiymətləndirilərkən müəyyən olunub ki, “Opel” markalı minik avtomobili yol kənarındakı ağaca çırpılıb, 1 nəfər avtomobildə sıxılmış vəziyyətdə qalıb.
Həyata keçirilən xilasetmə tədbirləri nəticəsində 1 nəfər müxtəlif xəsarətlərlə nəqliyyat vasitəsindən çıxarılaraq təcili tibbi yardım briqadasına təhvil verilib.
***
Saat 19:31
Quba-Xaçmaz yolunda, Quba rayonunun Alekseyevka kəndi ərazisində baş verən qəza nəticəsində 3 nəfərin xəsarət aldığı məlum olub.
APA xəbər verir ki, xəsarət alanlar avtomobilin sürücüsü 1981-ci il təvəllüdlü Pərviz Hüseynov, sərnişinləri 1972-ci il təvəllüdlü Xalidə Eldarova və 2001-ci il təvəllüdlü Gültəkin Mirzəyevadır.
***
18:22
Quba-Xaçmaz yolunda, Quba rayonunun Alekseyevka kəndi ərazisində ağır yol-nəqliyyat hadisəsi baş verib.
APA xəbər verir ki, "Opel" markalı avtomobil yoldan çıxaraq ağaca çırpılıb.
Nəticədə Quba-Xaçmaz yolunda uzun tıxac yaranıb. Qəza nəticəsində avtomobildə olan 2 nəfər müxtəlif dərəcəli bədən xəsarətləri alıblar. Onlar FHN-nin əməkdaşları tərəfindən deformasiyaya uğrayan avtomobildən çıxarılıb. Xəsarət alanlar təcili tibbi yardım vasitəsilə Quba Mərkəzi Rayon xəstəxanasına aparılıb.
Faktla bağlı araşdırma aparılır.
Cəfər Talıbov
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
