Hacıqabulda yol qəzası nəticəsində xəsarət alan sərnişin Mahir Kərimov dünyasını dəyişib.
Bu barədə APA-nın Mil-Muğan bürosu məlumat verib.
***
21.01
Sentyabrın 29-da saat 19 radələrində Hacıqabul rayonu ərazisində 3 avtomobilin iştirakı ilə yol nəqliyyat hadisəsi baş verib.
Bu barədə APA-nın Mil-Muğan bürosunun sorğusuna cavab olaraq DİN-in Mətbuat Xidmətinin Şirvan regional qrupunun baş inspektoru, polis kapitanı Nizam Həmidov bildirib.
Hadisə nəticəsində "Mercedes" markalı avtomobilin sürücüsü, 1998-ci il təvəllüdlü Orxan Balacayev hadisə yerinə vəfat edib, sərnişini, 1984-cü il təvəllüdlü Mahir Kərimov isə müxtəlif dərəcəli bədən xəsarətləri alıb.
Faktla bağlı Hacıqabul RPŞ-nin İstintaq Bölməsində araşdırmalar aparılır.
***
18.38
Hacıqabulda baş verən qəzada 1 nəfər ölüb, digəri ağır xəsarət alıb.
APA-nın Mil-Muğan bürosunun məlumatına görə, hadisə Hacıqabul şəhərində qeydə alınıb. "Mercedes" markalı avtomobil "Shagman" markalı yük avtomobili ilə toqquşub. Nəticədə bir nəfər hadisə yerində ölüb, digər yaralı Şirvan Şəhər Mərkəzi Xəstəxanasına yerləşdirilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
