Lənkəranda bədbəxt hadisə nəticəsində sürücü xəsarət alıb.
APA-nın cənub bürosunun verdiyi məlumata görə hadisə axşam saatlarında rayonun Qurumba kəndində baş verib.
Kənd sakini 1984 - cü il təvəllüdlü Sucəddin Bahəddin oğlu Həsənov evində "Kamaz" markalı yük avtomobilinin təkərini dəyişmək istəyib. Bu zaman anidən qaldırıcı boşalıb və yük maşını sürücünün üstünə aşıb. S.Həsənov ağır vəziyyətdə Lənkəran rayon mərkəzi xəstəxanasının təcili yardım şöbəsinə hospitalizasiya olunub. Həkimlər ona bazu sümüyünün və döş fəqərələrinin çoxsaylı sınığı diaqnozu qoyublar. Yaralı reanimasiya şöbəsinə yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
