Bakı. Ramil Məmmədli – APA. Qarabağ Azadlıq Təşkilatının (QAT) bir qrup üzvü Fransanın Azərbaycandakı səfirliyinin binası qarşısında etiraz aksiyası keçirib. QAT mətbuat xidmətindən APA-ya verilən məlumata görə, aksiya iştirakçıları “Fransaya ar olsun!”, “Cinayətkarların cəzalandırılmasını tələb edirik!”, “Fransa+Ermənistan=terror!” və digər şüarlar səsləndirib. Sonda aksiyanın qətnaməsi səfirliyə təqdim edilib.
Qətnamədə Fransanın paytaxtı Parisdə azərbaycanlı diaspor nümayəndələrinin döyülməsini terror kimi dəyərləndirilib və işin obyektiv araşdırılaraq günahkarların cəzalandırılması tələb olunub: “Hesab edirik ki, bundan sonra Fransanın Minsk qrupunun həmsədri kimi fəaliyyətini davam etdirməyə mənəvi haqqı yoxdur”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
