Qazaxıstanda işgüzar səfərdə olan Gürcüstanın Baş naziri İrakli Qaribaşvili həmkarı Alixan Smailovla görüşüb.
APA-nın Tbilisi müxbiri xəbər verir ki, məlumatı Gürcüstanın hökumət administrasiyası yayıb. Bildirilib ki, tərəflər turizm, enerji, nəqliyyat və ticarət sahələrinə dair müzakirələr aparıblar.
Qeyd olunub ki, söhbət zamanı Orta Dəhlizin tam istismara verilməsinin vacibliyinə diqqət çəkilib.
Qaribaşvili qeyd edib ki, Gürcüstan Cənubi Qafqazda Qazaxıstanın etibarlı tərəfdaşıdır. O, Trans-Xəzər beynəlxalq nəqliyyat dəhlizi istiqamətində iki ölkə arasındakı tərəfdaşlığın sürətlə gücləndirdiyini vurğulayıb.
Əlavə edib ki, cari ilin ilk altı ayı ərzində Orta Dəhlizlə daşınan yüklərin həcmi 77% artaraq 1,3 milyon tona çatıb.
Alixan Smailov da Qazaxıstanın sözügedən dəhlizlə daşımaların artırılmasında maraqlı olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
