Bakı. Aynur Əliyeva – APA-Economics. Bu gün Bakı şəhərinin Nəsimi rayonu, Həsən Əliyev küçəsində təmir işlərinə başlanılıb. Uzunluğu 3,4 km təşkil edən yol Koroğlu Rəhimov küçəsinin kəsişməsindən Tbilisi prospektinə qədər məsafəni əhatə edir. Bunu «APA-Economics»ə Nəqliyyat Nazirliyinin «Azəryolservis» ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, hazırda köhnə beton bardürlar yeni mərmər bardürlarla əvəz olunur: «Bu iş başa çatdıqdan sonra, köhnə asfalt beton örtüyü qaşınaraq yenisi salınacaq. Bundan başqa, kommunikasiya quyularının dəmir piltələri beton piltələrə dəyişdiriləcək».
P.Mürsəliyev əlavə edib ki, yolun bərpa işləri təxminən 5-6 ay çəkəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
