Maliyyə

Ana səhifə

Maliyyə

Bakı Fond Birjasında səhmlər üzrə əməliyyatlarda kəskin azalma müşahidə olunur

02 may 2012 13:01 (UTC +04:00)

Bakı. Nicat Mustafayev – APA-Economics. Bu ilin yanvar-aprel ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 3,686 mlrd. manat təşkil edib. Bu isə 2011-ci ilin eyni dövrü ilə müqayisədə 46,5% çoxdur.

BFB-dan «APA-Economics»ə verilən məlumata görə, ümumilikdə, hesabat dövründə korporativ qiymətli kağızlar (KQK) bazarının həcmi 3,2 dəfə azalaraq 75,461 mln. manat təşkil edib. Korporativ istiqrazların ilkin bazarının həcmi hesabat dövründə 2,2 dəfə azalaraq 19,285 mln. manat, istiqrazların təkrar bazarı isə 5,2 dəfə azalaraq 27,467 mln. manat olub. Ümumiyyətlə, korporativ istiqrazlar bazarı yanvar-aprel aylarında 4 dəfə azalıb.

Səhm bazarına gəldikdə isə, hesabat dövründə bu növ kağızlar üzrə qeydə alınan əqdlərin həcmi 28,710 mln. manat təşkil edib və 2011-ci ilin analoji dövrünə nisbətən bu göstərici 48% azalıb. Səhmlərin ilkin bazarı 46%, təkrar bazarı isə 4,4 dəfə azalıb.

Korporativ qiymətli kağızlar

Bazarın seqmentləri	Yanvar-aprel, 2012		Yanvar-aprel, 2011		Nisbət (%)
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət (%)
Korporativ istiqrazlar (yerləşdirmə)	19 284 834,00	30	42 882 000,99	31	-2,2 dəfə
Korporativ istiqrazlar (təkrar bazar)	27 466 628,68	17	143 330 069,66	36	-5,2 dəfə
Kİ bazarı cəmi	46 751 462,68	47	186 212 070,65	67	-4 dəfə
Səhmlər (yerləşdirmə)	27 867 476,35	31	51 479 170,00	71	-46%
Səhmlər (təkrar bazar)	842 124,97	1 154	3 725 415,78	972	-4,4 dəfə
Səhm bazarı cəmi	28 709 601,32	1 185	55 204 585,78	1 043	-48%
KQK bazarı cəmi	75 461 064	1 232	241 416 656	1 110	-3,2 dəfə

Bu ilin yanvar-aprel aylarında BFB-nin dövriyyəsinin müsbət dinamikasına dövlət qiymətli kağızları (DQK), əsasən də notlar üzrə repo əməliyyatları səbəb olub. Belə ki, Azərbaycan Mərkəzi Bankının notlarının həcmi cari ilin ilk dörd ayı ərzində 2011-ci ilin analoji dövrünə nisbətən 29,4% artıb. Notların ilkin bazarı 28,2%, təkrar bazarı isə 2,3 dəfə artıb. Eyni zamanda, hesabat dövründə notlar üzrə repo əməliyyatları 74,4% artaraq 3,211 mlrd. manata çatıb. Yanvar-aprel aylarında dövlət istiqrazları (Dİ) bazarında əqdlər bağlanılmayıb. Ümumiyyətlə, DQK bazarı hesabat dövründə 58,8% artaraq 3,610 mlrd. manatdan çox olub.

Dövlət qiymətli kağızları

Bazarın seqmentləri	Yanvar-aprel, 2012		Yanvar-aprel, 2011		Nisbət (%)
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət (%)
Dİ (AMN) (yerləşdirmə)	0,00	0	112 712 249,95	71	-
Dİ (AMN) (təkrar bazar)	1 325 851,92	2	12 215 017,18	17	-9,2 dəfə
Dİ bazarı cəmi	1 325 851,92	2	124 927 267,13	88	-94,2
Notlar (AMB) (yerləşdirmə)	389 476 825,08	95	303 684 114,34	107	28,2%
Notlar (AMB) (təkrar bazar)	8 077 756,64	4	3 556 081,09	2	2,3 dəfə
Not bazarı cəmi	397 554 581,72	99	307 240 195,43	109	29,4%
Repo əməliyyatları	3 211 300 530,66	459	1 841 722 089,54	366	74,4%
DQK bazarı cəmi	3 610 180 964	560	2 273 889 552	563	58,8%

Dİ – dövlət istiqrazları;
AMN – Azərbaycan Maliyyə Nazirliyi;
AMB – Azərbaycan Mərkəzi Bankı;
DQK – Dövlət qiymətli kağızları;
KQK – Korporativ qiymətli kağızlar.