Azərbaycan bank sektorunun cəmi aktivləri 2020-ci il ərzində 2% azalaraq 2021-ci ilin yanvarın 1-nə 32 055,30 mln. manat təşkil edib.
"APA-Economics" bu barədə Azərbaycan Mərkəzi Bankına (AMB) istinadən xəbər verir.
Bu müddətdə bank sektorunun cəmi öhdəlikləri 2,8% azalaraq cari il yanvarın 1-nə 27 356,10 mln. manat təşkil edib. Öhdəliklərin 20 722,9 mln. manatını depozitlər (maliyyə institutları istisna olmaqla) əhatə edib.
Bildirək ki, depozitlərin 8 044,7 mln. manatı fiziki şəxslərin depozitlərinin payına düşüb.
Məlumata əsasən, 2021-ci ilin yanvarın 1-nə bank sektorunun cəmi kapitalı 4 699,2 mln. manat təşkil edib ki, bu da illik müqayisədə 2,5% çoxdur.