2020-ci ildə Azərbaycanda əsas kapitala 17 028,1 mln. manat məbləğində, yaxud 2019-cu illə müqayisədə 8,3% az vəsait yönəldilib.
"APA-Economics"in Statistika Komitəsinə istinadən verdiyi məlumata görə, ötən il neft-qaz sektoruna yatırılmış investisiyaların həcmi 0,3% artaraq 5 879,7 mln. manat, qeyri-neft sektoruna yönəldilən vəsaitin həcmi isə 12,3% azalaraq 11 148,4 mln. manat olub.
İstifadə olunmuş vəsaitin 11 175,8 mln. manatı və ya 65,6%-i məhsul istehsalı sahələrinə, 4 485 mln. manatı (26,4%-i) xidmət sahələrinə, 1 367,3 mln. manatı (8%-i) isə yaşayış evlərinin tikintisinə sərf olunub. Əsas kapitala yönəldilmiş vəsaitlərin 11 911,1 mln. manatını və ya 69,9%-ni daxili vəsaitlər təşkil edib. Sərmayə qoyuluşunun 10 954,1 mln. manatı və ya 64,3%-i bilavasitə tikinti-quraşdırma işlərinin yerinə yetirilməsinə sərf olunub.
Əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 50,4%, büdcə vəsaitləri 27,6%, bank kreditləri 6,2%, əhalinin şəxsi vəsaitləri 5,7%, sair vəsaitlər 8,6%, büdcədənkənar dövlət fondlarının vəsaitləri isə 1,5% təşkil edib.
Xatırladaq ki, "Azərbaycan Respublikasının 2021-ci il və növbəti 3 il üçün iqtisadi və sosial inkişaf konsepsiyası və proqnoz göstəriciləri"nə görə, ölkənin neft-qaz sektoruna 4 ildə 25 mlrd. manata yaxın investisiya yatırılacağı gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
