Hazırda qlobal islam maliyyəsi sənayesinin həcmi təxminən 4 trilyon ABŞ dolları səviyyəsində qiymətləndirilir.
APA xəbər verir ki, bunu İslam İnkişaf Bankı İnstitutunun (IsDBI) baş direktor vəzifəsini icra edən Sami Əl-Suvaylem İslam İnkişaf Bankı Qrupunun (IsDB) illik toplantıları çərçivəsində keçirilən İslam Maliyyəsi üzrə 20-ci İDB Qlobal Forumunda deyib.
Onun sözlərinə görə, İslam İnkişaf Bankı Qrupunun ümumi həcmi təxminən 40 milyard ABŞ dolları təşkil edir.
“Bu o deməkdir ki, ölçü baxımından IsDB Qrupu qlobal islam maliyyəsi sənayesinin cəmi 0,1 faizini təşkil edir. Lakin qrupun təsiri onun ölçüsündən qat-qat böyükdür”, – o bildirib.
Sami Əl-Suvaylem vurğulayıb ki, IsDB Qrupu yarandığı gündən etibarən islam maliyyəsi sənayesinin inkişafında aparıcı rol oynayıb:
“IsDB Qrupu 50 ildən artıqdır ki, sənayenin lideridir və bu liderliyi davam etdirir. Bu fakt göstərir ki, qrup öz liderliyini kəmiyyətlə deyil, keyfiyyətlə təmin edir”.
O qeyd edib ki, İslam İnkişaf Bankı Qrupunun fəaliyyəti təkcə maliyyələşdirmə ilə məhdudlaşmır, həm də islam maliyyəsinin inkişafı, bilik mübadiləsi, institusional potensialın gücləndirilməsi və üzv ölkələr arasında əməkdaşlığın genişləndirilməsinə yönəlib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
