Maliyyə

Ana səhifə

Maliyyə

Bakı Fond Birjasının dövriyyəsi 57% artıb

11 sentyabr 2014 09:08 (UTC +04:00)

Bakı. Musa Əhmədov – APA-Economics. 2014-cü ilin yanvar-avqust aylarında Bakı Fond Birjasında (BFB) bütün alətlər üzrə birja əqdlərinin ümumi dövriyyəsi 7 mlrd. 169 mln. 285,693 min manat təşkil edib.

BFB-dən “APA-Economics”ə verilən məlumata görə, bu 2013-cü ilin analoji dövrünün göstəricisindən 57,25% çoxdur.

Ümumi dövriyyədən əqdlərin 56,3%-i dövlət qiymətli kağızlarının payına düşür. Hesabat dövründə dövlət qiymətli kağızlar bazarının həcmi 7, 04% artaraq 4 mlrd. 39 mln. 162,105 min manat, korporativ sektorda isə əqdlərin həcmi 3,9 dəfə artaraq 3 mlrd. 130 mln. 123,587 min manat təşkil edib.

Bu ilin 8 ayında ilkin bazarda Maliyyə Nazirliyi tərəfindən buraxılan istiqrazların yerləşdirilmə həcmi 5, 75% azalaraq 58 mln. 557,735 min manat olub. İlkin bazardan fərqli olaraq təkrar bazar 48,78% artaraq 19 mln. 266,344 min manat təşkil edib.

Mərkəzi Bankın qısamüddətli notlarının ilkin bazarında yerləşdirmə həcmi 44,03% azalaraq 123 mln. 81,5 min manat, təkrar bazarda isə 6,8 dəfə artaraq 302 mln. 813,539 min manat təşkil edib. 2014-cü ilin yanvar-avqust aylarında repo əməliyyatları 3 mlrd. 535 mln. 442,985 min manat məbləğində olub. Bu 2013-cü ilin göstəricisindən 2,93% çoxdur.

Bu ilin yanvar-avqust aylarında ilkin bazarda korporativ istiqrazların yerləşdirilmə həcmi 1 mlrd. 814 mln. 596,643 min manat (artım 21,7 dəfə), təkrar bazarda 522 mln. 991,485 min manat (artım 31,8%) təşkil edib.

Hesabat dövründə birja meydançasında 789 mln. 443,537 min manat (artım 2,7 dəfə), təkrar bazarda 3 mln. 91,921 min manat (azalma 78,08%) məbləğində səhm yerləşdirilib.

BFB-da keçirilmiş hərracların müqayisəli cədvəli:

Bazarın seqmentləri	2014 (31.08.14)		2013 (31.08.13)		Faiz nisbəti
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Faiz nisbəti
Dİ (AR MN) – (yerləşdirmə)	58,557,735.96	23	61,803,101.77	37	94.75%
Dİ (AR MN) – (təkrar bazar)	19,266,344.13	14	12,949,227.52	4	148.78%
Notlar (AR MB) – (yerləşdirmə)	123,081,500.70	40	219,897,013.45	83	55.97%
Notlar (AR MB) – (təkrar bazar)	302,813,539.11	22	43,955,612.02	4	688.91%
Repo əməliyyatları	3,535,442,985.80	292	3,434,774,077.58	353	102.93%
DQK bazarı cəmi	4,039,162,105.70	391	3,773,379,032	481	107.04%
Korporativ istiqrazlar – (yerləşdirmə)	1,814,596,643.94	72	83,333,524.60	59	2177.51%
Korporativ istiqrazlar – (təkrar bazar)	522,991,485.87	197	396,611,996.93	130	131.86%
Səhmlər – (yerləşdirmə)	789,443,537.10	578	291,808,611.69	261	270.53%
Səhmlər – (təkrar bazar)	3,091,921.03	2,923	14,107,252.28	2,673	21.92%
KQK bazarı cəmi	3,130,123,587.94	3,770	785,861,385.50	3,123	398.30%
Cəmi	7,169,285,693.64	4,161	4,559,240,417.84	3,604	157.25%