Ermənistan hökuməti tomat pastasının idxalına müvəqqəti qadağa tətbiq edib.
"Armanian news" xəbər verir ki, müvafiq qərar bu gün keçirilən hökumət iclasında qəbul olunub.
Qərara əsasən, qadağa 6 ay müddətində qüvvədə olacaq. Məhdudiyyət Avrasiya İqtisadi İttifaqı (Aİİ) ölkələrinə də şamil ediləcək.
Hökumət qərarın tomat pastası idxalı ilə məşğul olan şirkətlər və yerli xammaldan məhsul istehsal edən müəssisələr üçün bərabər rəqabət şəraitinin yaradılması, həmçinin pomidor tədarükü prosesinin tənzimlənməsi məqsədi daşıdığını bildirib.
Qeyd olunub ki, Ermənistan mənşəli karantin məhsullarının ixracı və tranzitinə tətbiq edilən məhdudiyyətlər nəticəsində meyvə-tərəvəz, o cümlədən istixana pomidorunun ixrac həcmi azalıb. Nəticədə əvvəllər ixrac olunan istixana pomidorlarının əhəmiyyətli hissəsi daxili bazarda satılır ki, bu da açıq sahələrdə yetişdirilən pomidorlara tələbatın azalmasına səbəb olur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
