Bakı. Fuad Cəfərov - APA. Bakıda axtarışda olan 4 nəfər tutulub.
Bakı Şəhər Baş Polis İdarəsindən APA-ya verilən məlumata görə, Sabunçu Rayon Polis İdarəsinin 12-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində Cinayət Məcəlləsinin 179-cu (mənimsəmə və ya israf etmə) maddəsi ilə axtarışda olan 1970-ci il təvəllüdlü Əhməd Alyarsoy tutulub.
Nərimanov Rayon Polis İdarəsinin 18-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində Cinayət Məcəlləsinin 177-ci (oğurluq) maddəsi ilə axtarışda olan 1990-cı il təvəllüdlü Seyfəddin Ramazanov tutulub.
Paytaxt ərazisində dələduzluqla məşğul olan iki nəfər tutulub. Nizami 25-ci Polis Bölməsinin və Yasamal Rayon Polis İdarəsinin 29-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində 1984-cü il təvəllüdlü Kamal Mehdiyev və 1972-ci il təvəllüdlü Azər Həsənov tutulub.