Bakı. Ülkər Rəşidqızı – APA. Bakıda Çelyabinsk fotoqraf-rəssamın sərgisi açılacaq.
APA-nın xəbərinə görə, Mədəniyyət və Turizm Nazirliyinin təşkilatçılığı ilə keçiriləcək sərgi noyabrın 13-dən 16-dək “Azərbaycan Respublikası Hökuməti və Rusiya Federasiyasının Çelyabinsk vilayəti Hökuməti arasında ticarət-iqtisadi, elmi-texniki və mədəni əməkdaşlıq haqqında” Sazişlə təsdiq olunmuş 2012-2017-ci illər üzrə Tədbirlər Planına uyğun olaraq keçiriləcək.
Muzey Mərkəzində baş tutacaq sərgidə Çelyabinskdən olan fotoqraf-rəssam Vladimir İvanoviç Boqdanovskinin «İpək yolu dostluğu» və Azərbaycan Fotoqraflar Birliyi üzvlərinin foto əsərlərindən ibarət «Uzun sürən müharibənin əks-sədası» adlı fotosərgi təşkil olunacaq.
Sərgidə V.İ.Boqdanovskinin 2011-ci ildə Azərbaycanda olarkən fotolentə aldığı Azərbaycanın tarix və mədəniyyətinə, adət və ənənələrinə, müasir inkişafına həsr olunmuş fotoşəkilləri və Azərbaycan Fotoqraflar Birliyi üzvlərinin Dağlıq Qarabağ münaqişəsinə həsr olunmuş fotoları nümayiş etdiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
